तुमचे विचार सकारात्मक व्हावेत याकरता ‘हे’ 7 उपाय करा..
सकारात्मक विचार करणे आणि ते आचरणात आणणे ही आपल्या आयुष्याची मोठी संपत्ती आहे. एक यशस्वी व्यक्तीने त्याच्या यशापर्यंत पोहचण्यासाठी नेहमी सकारात्मक राहणे गरजेचे आहे. कारण, जेव्हा तुम्ही सकारात्मक असता तेव्हाच तुम्ही यशाला गवसणी घालू शकता.
तुम्ही पुरुष आहात, म्हटल्यावर सकारात्मकता खूप आवश्यक आहे असे बिलकुल नाही. स्त्री असो किंवा पुरुष सर्वांनीच सकारात्मक रहायला हवं, सकारत्मक विचार करायला हवेत. सकारत्मक विचार हे फक्त तुमच्या करिअरसाठी नाही तर तुमच्या कुटुंबासाठी, समाजासाठी अतिशय गरजेचे आहेत.
जे लोक नकारात्मक विचार करतात त्यांच्या आसपास नेहमी नकारत्मक वातावरण असते. याचा परिणाम त्यांच्यासमवेत इतरांवर ही होत असतो. नकारात्मक विचार तुम्हाला मानसिक रित्या नुकसान पोहचवण्याचे काम करतात. तुमचे विचार सकारात्मक व्हावेत यासाठी काही पद्धती किंवा काही उपाय आजच्या या आर्टिकलमधून जाणून घेऊयात.
'या; पद्धती किंवा उपाय का आवश्यक आहेत ?
आजच्या धकाधकीच्या जीवनात पुरुष अनेकदा अस्वस्थ होतात. त्यांचे व्यस्त आयुष्य त्यांना केवळ आयुष्यात पुढे जाण्याचे संकेत देत असते. या व्यतिरिक्त त्यांच्या हातात नेहमी असलेली इलेक्ट्रॉनिक गॅजेट्स त्यांना विविध डिजिटल दिशांकडे घेऊन जात असतात. जिथे आंतरिक शांती त्यांच्यासाठी खूप महत्वाची असते.
हे वास्तव खरे तर अनेक पुरुषांच्या बाबतीत घडताना दिसते. त्यामुळे सकारत्मकता ही प्रत्येकासाठीच महत्वाची आहे. त्यामुळे आपण सर्वांनीच आजूबाजूला नेहमी सकारत्मकता ठेवली पाहिजे. ती विचारात आणि आचरणात आणली पाहिजे.
सकारात्मकतेची ताकद जर तुमच्याकडे असेल तर तुम्ही जगातील कोणत्याही संकाटांचा सामना अगदी सहजपणे करु शकता. चला तर मग अशा काही उपायांबद्दल किंवा पद्धतींबद्दल जाणून घेऊयात की ज्याद्वारे तुम्ही सकारात्मक राहू शकाल.
मेडिटेशन आहे गरजेचे (Meditation).
चांगल्या नियोजनासह आणि योग्य वेळेचा तुम्ही चांगला वापर करण्यासाठी मेडिटेशन अर्थात ध्यान करणे हा अतिशय चांगला मार्ग आहे. ध्यान तुम्हाला एकाग्र होण्यास आणि तुमची स्मरणशक्ती वाढवण्यामध्ये मदत करेल.
तुमचे कुटुंब, तुमचा जोडीदार, मुले, मित्र-मंडळी, प्रत्येकजण आनंदी राहू शकतात. मात्र, यासाठी त्यांना योग्य वातावरण आणि अनुकूल परिस्थिती निर्माण करावी लागेल.
योग्य विचार आणि योग्य नियोजन केले तर यश मिळेल. तसेच तुम्हाला स्वतःमध्ये सकारात्मक वातावरण निर्माण करावे लागेल. त्यामुळे ध्यान करणे गरजेचे आहे. ध्यान केल्याने तुम्ही नकारात्मक ऊर्जा दूर करू शकता.
दृष्टिकोन बदला (Change Your perspective)
पुरुषांनी जर त्यांचा दृष्टिकोन बदलला तर अनेक अडणचींना ते सहजपणे मात देऊ शकतात. तुमचा आनंद आणि दु:ख हे तुमच्या दृष्टिकोनाशी निगडीत असतात. जर तुम्ही प्रत्येक गोष्टीत नकारात्मक विचार करत असाल तर याचा परिणाम फक्त तुमच्यावरच नाही तर आसपासच्या वातावरणावर ही होत असतो.
जगात असे कित्येक लोक आहेत, जे कितीही कठीण परिस्थिती आली तरी देखील नेहमीच हसतमुखाने त्याचा सामना करत असतात. यासोबतच काही अशी ही लोक तुम्हाला भेटतील की त्यांच्याकडे सगळं काही आहे मात्र, तरी ही ते दु:खी आहेत. त्यामुळे तुम्हाला ठरवायचे आहे की, तुम्ही तुमच्या आयुष्याकडे कोणत्या दृष्टिकोनातून पाहत आहात ? सोप्या की कठीण ?
आरोग्याकडे लक्ष द्या (Focus on Health)
आजच्या धकाधकीच्या जीवनशैलीत, प्रत्येक माणूस व्यस्त आहे आणि कदाचित ते इतके व्यस् आहेत की त्यांना स्वतःसाठी वेळ नाही. या कारणांमुळे त्यांचे वर्क लाईफ आणि पर्सनल लाईफ दोन्हींचे एकत्रीकरण झाले आहे, याचा परिणाम त्यांच्या मानसिक आरोग्यावर होतो.
तुम्ही खरच इतके खुश आहात का ? जितके खुश तुम्ही असायला हवेत ? नाही ना..! आपण सर्वजण इतके बिझी झालो आहोत की, स्वत:च्या आनंदाविषयी विचार करणे आपण विसरुन गेलो आहोत.
त्यामुळे आपण सर्वांनी आपल्या स्वत:ची काळजी घेणे, आरोग्याकडे लक्ष देणे गरजेचे आहे. तुमच्या व्यस्त शेड्यूलमधून थोडासा तरी वेळ स्वत:साठी काढा. हा वेळ केवळ तुमचाच असेल आणि तुमच्यासाठीच असेल. तुमचे सकारात्मक विचार हे तुमच्या आरोग्यासाठी अतिशय फायदेशीर आहे.
आठवड्यातील कोणत्याही एका दिवसाची निवड स्वत:साठी करा आणि त्यादिवशी व्यायामाकडे आणि फिटनेसकडे लक्ष द्या. अशा प्रकारे तुम्ही बिझी शेड्यूलमधून वेळ काढून स्वत:ला फिट ठेवू शकता.
हेल्दी डाएट घ्या (Take Healthy Diet)
काय हेल्दी डाएटचा सकारात्मक विचारांशी काही संबंध आहे का ?
या प्रश्नाचे उत्तर आहे हो. हेल्दी डाएटमुळे तुमच्या शरीराचा विकास होतो. हेल्दी डाएटमुळे आपल्या आरोग्याला विविध प्रकारचे पोषण तत्वे मिळतात. जसे की, कर्बोदके, प्रथिने, खनिजे, जीवनसत्वे, इत्यादी. जेव्हा ही सर्व पोषणतत्वे तुमच्या शरीरामध्ये पोहचतील तेव्हा तुमचे आरोग्य ही चांगले राहील.
चांगले आरोग्य म्हणजे अभिनेत्यासारखे सिक्स पॅक्स नव्हे किंवा अभिनेत्रींसारखी झीरो फिगर नाही. जेव्हा तुमचे शरीर हेल्दी राहील तेव्हा तुमचा मेंदू ही हेल्दी राहील आणि हेल्दी मेंदूमध्येच चांगले विचार येतील आणि तुम्ही सकारात्मक विचार करु शकाल.
हेल्दी लाईफस्टाइल स्विकारा (adopt healthy lifestyle)
निरोगी राहण्यासाठी पुरुषांनी निरोगी जीवनशैलीचा स्विकार करणे हे आवश्यक आहे. तसे पाहिले तर पुरुष असो किंवा महिला दोघांनीही वेळेवर झोपणे, सकाळी वेळेवर उठणे, व्यायाम आणि मन: शांतीसाठी प्राणायाम करणे फायदेशीर आहे.
डॉक्टरांच्या मते, जे पुरुष रात्री 5 तास किंवा त्यापेक्षा कमी तास झोपतात. त्यांना उच्च रक्तदाब, मधुमेह, लठ्ठपणा, शरीराची हालचाल कमी होणे आणि निद्रानाश आदी समस्या निर्माण होण्याची शक्यता असते. जर तुमची जीनशैलीच बिघडली असेल तर तुमची सतत चिडचिड होईल. त्यामुळे तुम्ही तणावग्रस्त व्हाल आणि तुमच्या मनात नकारात्मक विचार डोकावू लागतील.
त्यामुळे पूर्ण झोप घ्या आणि सकारात्मक, अॅक्टिव्ह रहा. यामुळे तुमच्या कामामध्ये आणि विचारांमध्ये सकारत्मकता आणि अॅक्टिव्हपणा दिसेल. त्यामुळे तुम्ही तुमची लाईफस्टाईल चांगली ठेवणे हे गरजेचे आहे. सोबतच भरपूर सकारात्मक ऊर्जा ठेवा.
सकारात्मक विचार करणाऱ्या लोकांना भेटा (Meet positive people)
तुमच्या आजूबाजूच्या वातावरणाचा तुमच्या विचारांवर परिणाम होत असतो. कधीकधी तुम्ही नोकरी, व्यवसाय किंवा कुटुंबाशी निगडीत काही गोष्टींमुळे नकारात्मक विचार करायला सुरुवात करता. त्यामुळे तुमच्या ऑफिसमध्ये सकारात्मक विचारांच्या नोट्स वापरा. जेणेकरून तुमची विचारसरणी आणि विचार हे सकारात्मक राहतील आणि तुम्ही लवकर गिव्ह अप करणार नाही.
हसत रहा, आनंदात रहा (Smile, kept smiling)
तुम्ही भले ही तुमच्या आयुष्यात व्यस्त असलात तरी विचार करुन बघा की तुमच्या कुटुंबीयांनी तुम्हाला जर हसताना पाहिले तर त्यांना किती ऊर्जा मिळेल ? तुम्हाला असे खुश आणि हसताना बघूनच त्यांना फार आनंद होईल.
तुमची एक प्रेमळ अशी स्माईल तुमच्या कामावर, सहकाऱ्यांवर नेहमीच चांगला आणि सकारात्मक परिणाम करणारी ठरेल. भले ही मग किती ही नकारात्मकता असू द्या, परंतु, तुमची एक गोड स्माईल तुम्हाला सकारात्मक ठेवण्यात सक्षम असेल.
जर तुमच्या आयुष्यात आनंद आणि हसणं असेल तर हे जीवन परिपूर्ण आहे. आनंदी राहण्याचे आणि हसत राहण्याचे एक शास्त्रीय कारण देखील आहे, तुम्ही जितके आनंदी असाल तितकेच तुमच्या शरीरात ऑक्सिजनचे प्रमाण चांगले असेल. यामुळे तुमचे शरीर निरोगी राहील आणि तुमच्या आजूबाजूला नकारात्मकता डोकावणार ही नाही. सकारात्मक ऊर्जा तुम्हाला आयुष्यात पुढे जाण्यासाठी प्रेरित करेल.
